Re: (NVU) xclus!vely m3's poetry collection

blossming as always.

2010/3/11 xclus!vely m3.... <enchantingethos@gmail.com>

Muhabbat aisa naghma hei
Zara bhi jhol ho ley mein
Tou Surr qayam nahi hota

Muhabbat aisa shola hei
Hawa jesi bhi chalti ho
Kabi madham nahi hota

Muhabbat aisa rishta hei
Ke jis mein bandhnay walon ke
Diloon mein ghum nahi hota

Muhabbat aisa pouda hei
Jou tab bhi sabz rehta hei
Ke jab mosam nahi hota

Muhabbat aisa rasta hei
Agar pairoon mein larzish ho
Tou yeh mahram nahi hota

Muhabbat aisa darya hei
Ke baarish rooth bhi jaye
Tou paani kaam nahi hota

2010/3/5 xclus!vely m3.... <enchantingethos@gmail.com>

 Mujhe tum yaad atey ho

Khyalon main
sawalon main

mohabat k hawalon main

tumhe awaz deta hon

jab koi nazam kehta hon
usey unwaan deta hon

MUJHEY TUM YAAD ATEY HO

tumhari YAAD holey se koi sarghoshi karti hay

palkein bheg jati hain
do aanson toot girtey hain

main aankhon ko jhukata hon
bazahir muskarata hon

faqat itna hi kehta hon

mujhe kitna statey ho
MUJHEY KION YAAD ATEY HO

2010/3/5 xclus!vely m3.... <enchantingethos@gmail.com>

 jIS wAQT tERI yADON kA sAMA hOTA hAY

pHIR SAKOON dIL kO kAHAN hOTA hAY

mAIN tERY hIJAR k lAMHON kO dHONDTA kAISY

tU mERI rOH sEY hI dOOR kAHAN hOTA hAY

2010/3/4 xclus!vely m3.... <enchantingethos@gmail.com>

Chalo Tum KeH Rahay Ho Tou...

Main Wapis Loat Jaati Hun....

Tumhen Manzil Mubarak Ho....

Naya Saathi Mubarak Ho.....

Magar Ae Hamdam-e-Dereena!

Mujh ko Itna Batlaa Do....

Kay Wapis Kiss Taraf Jauun?

Kahan Se Saath Laye Thay.....

Mujhay Itna Tou Samjhaa Do.... 

Agar Aisa Naahi Mummkin..

Tou Mujhko Is Tarah Torro....

Kay Main Yaksar ...Bikhar Jauun...

Bhattakny se Tou Behtar Hai.....

Tumhary Paas Mar Jauun...!!!

2010/3/4 xclus!vely m3.... <enchantingethos@gmail.com>

Barishon ke mausam mai tujhey yaad kernay ki adatien purani hain,
Ab ki baar socha tha keh adatien badal dalien..
Phir khayal aaya keh,
Adatien badalnay sey barishien nahi ruktien

          _____________

us ko ankhon k dareechay say juda kesay karon "sagar"
wo meri zat k her pahlo say byan hota hai

           ____________

kbi furstain jo naseeb hon to chalay ana meray pass tum
hain adhuray kitnay mamlay meri zat se teri zat tak

2010/3/4 xclus!vely m3.... <enchantingethos@gmail.com>

Mohabat rooh mein utra huwa mosam hai jana!

Ta'aluq khatam karne se mohabat kam nahi hoti!

Bohat kuch tujh se pehley b muyasar tha muyasar hai !

Najane phir b kyun teri zarurat kam nai hoti

On Thu, Mar 4, 2010 at 10:28 AM, xclus!vely m3.... <enchantingethos@gmail.com> wrote:

Meri Chahat hai Wo Meri Anaa Bhi hai,
Mere Khamosh Lehjon Ki Wo Ek Sadaa Bhi hai.
Rehta hai Subah-O-Sham Wo Mere Wajood Main,
Meri Awaaz Mera Lehja Wo Meri Adaa Bhi hai.
Deta hai Mujh Ko Zakham Wo Be-Hisaab Magar,
Hamdard Bhi hai Mera Wo Meri Wafa Bhi hai.
Ab Us K Zikar Par Aksar Main Khamosh Rehta Hoon,
Per Meri Mohbat Ki Wo Inteha Bhi hai.
Ajab Kash-Ma-Kash hai Meri Zindagi Main,
Poojna Usey Bhi hai Aur DiL Main KHUDA Bhi hai.

2010/2/25 xclus!vely m3.... <enchantingethos@gmail.com>

Abb usay roz na sochon tou badan tout'ta hai mera
Ik umar ho gaii hai uski yad ka nasha kartay kartay

On Thu, Feb 25, 2010 at 9:10 AM, xclus!vely m3.... <enchantingethos@gmail.com> wrote:

 hum teri yad k pinjry me muqayyd panchi
urna chahen b to ye soch kr urh nhe paty

bahir tnhai ki hwa hogi
be reham waqt ki fiza hogi

kon daly ga tery pyar ka dana hum ko
tj se milny ka mily ga na bahana hum ko

din kahan guzry ga uski to khabr he nhe
kesy guzry ge raat apna to koi gar b nhe

bs yhe soch kr khod ko smjaty hn aksar
teri yado se hi dil ko behlaty hn aksar

hum teri yad k pinjry me muqayyad panchi

2010/2/25 xclus!vely m3.... <enchantingethos@gmail.com>

 KHUDA Se Karni Kuch Faryaad Baaki Hai

 Humein Unse Kehni Kuch Baat Baaki Hai 

 Maut Aayegi To Kahenge , RUK 

 Mere Yaar Se Abhi
 Mulakat Baaki Hai

2010/2/25 xclus!vely m3.... <enchantingethos@gmail.com>

kabhi dilse nahi jati
Hazaroon rang hai iskey
Ajab hi dhang hai iskey
Kabhi sehra kabhi darya
Kabhi jugnu, kabhi aansu
Hazaroon roop rakhti hain,
Kabhi ban kar ye ik jugnu
Shab-e-ghum k andheroon me
Dilo ko aas deti hai
Kabhi manzil kinarey par
Pyasa maar deti hain
Aziyyat hi aziyyat hain
Magar ye bhi haqeeqat hai

MUHABBAT PHIR MUHABBAT HAI

2010/2/25 xclus!vely m3.... <enchantingethos@gmail.com>

Kabhi Un ka Naam Lena.. Kabhi Un ki Baat kerna.. 
Maira Zooq Un ki Chahat.. Mara Shoq Un pa Marna..
Kabhi Chalte Chalte Thamna.. Aur Tham ka Beth Jana.. 
Kabhi Larkhara ka Girna.. Aur Gir ka Phir Sambhalna.. 
Kabhi Raat Raat Rona.. Kabhi Din Charha Sisakna.. 
Kabhi Darya Darya Rehna.. Kabhi Bhodh ko Tarasna.. 
Raha ISHQ Se Hamasha.. Koi Wasta hai Apna..
Yehi Zindgi Hai APNI.. Yehi Rasta hai Apna.. 
Wohi Manzel Hay Apni.. Usi Say Wasta hai Apna...!

2010/2/25 xclus!vely m3.... <enchantingethos@gmail.com>

TERI SANSO MEIN BIKHAR JAON TO ACHA HO...

BAN KE ROoH TERE JISM MEIN UTAR JAoN TO ACHA Ho..

KISI RAAT TERI GOUD MEIN SAR RAKH KE SoO JAoN, 

US RAAT KABHI SUBHA NA HO TO ACHA HO

2010/2/25 xclus!vely m3.... <enchantingethos@gmail.com>

Main ne kab dard k zakhmon se shikiayat ki hai.

Haan mera jurm hai k main ne MOHABBAT ki hai.

Aaj phir dekha hai usey mehfil
men pathar ban kar Main ne.

aankhon
se nhi dil
se bagawat
ki hai.

Usko bhool
jane ki galti
bhi nhi kr sakte.

Tøøt kar ki hai to sirf usi se MOHABBAT ki hai...

2010/2/25 xclus!vely m3.... <enchantingethos@gmail.com>

time to relax for a while.......

Mere Wajood Mein Wafa Ki Roshni Utaar De,
Phir Itna Pyaar De K Mujhe Chahaton Mein Maar De,

Buhat Udas Tha So Uth K Tere Paas Agaya,
Kuch Aisi Baat Kar Jo Dil Ko Qarar De,

Suna Hai Teri Ek Nazar Sanwarti Hai Zindagi,
Jo Ho Sakay Toh Aaj Meri Zindagi Sanwaar De

2010/2/18 xclus!vely m3.... <enchantingethos@gmail.com>

Khushbu Kaise Na Aaye Meri Baaton Se FARAAZ..
Maine Barson Ek Pholl Jese Chehre Se Baatein Kien Hein..!!

                        ________

Phir Kisi Piyaas Ke Sehra Mein Mujhe Neend Aaye..
Aur Mai Khuwaab Mein Mangun Tujhe Paani Ki Tarhaan..!!

                        ________

MERI KHAMoSHIYoN KA RAAZ MUJHE KHUD NAHI MALOoM...... 
NA JAANE Q LOG MUJHE MAGRoOR SAMJHTE HAIN..

                       _________

Koi hans kar judaa hota hai,
Koi ro kar judaa hota hai,
Juda hone ka gham tab hota hai,
Jab koi kisi ka ho ker judaa hota hai..!!

2010/2/18 xclus!vely m3.... <enchantingethos@gmail.com>

Nazar jab tum se milti hai, mai khud ko bhul jati hun,
Bas ek dhardkan dhardakti hai, mai khud ko bhul jati hun..

Tumhein milne se pehle mai bohat sajti sanwarti hun,
Magar jab tum sanwarte ho, mai khud ko bhul jati hun..

Mai aksar kitaabon pe tera hi naam likhti hun,
Magar kuch tum jo likhte ho, mai khud ko bhul jati hun..

Main aksar yehi kehti hun, mai tumse piyar karti hun,
Magar jab tum ye kehte ho, mai duniya bhul jati hun..!!

2010/2/18 xclus!vely m3.... <enchantingethos@gmail.com>

 Ek muddat se jise dekha nahi,
Aj bhi wo zehan se utra nahi..

Aj bhi wo toot ker ata hai yaad,
Aj bhi mai raat bhar soti nahi..

Aj bhi sachii hoon apne ish-o-wafa mein,
Aj bhi waada mera jhoota nahi..

Aj bhi qaayim hoon apne zabt per,
Aj bhi mai toot ker bikhrii nahi..

Aj bhi mai sirf uskii hoon,
Sawal ab itna hai ke wo mera hai ya nahi??

2010/2/18 xclus!vely m3.... <enchantingethos@gmail.com>

JAB SARAY MUJH SE ROTHAY HOON

JAB MERI AANKHAIN BHEEGI HOON

JAB KOI MERA SATH NA DE

DIL CHAHAY TAB TUM BAAT KARO

JAB SAB RASTAY DHUNDLAY HOON

JAB KALAY BADAL CHAYE HOON

JAB KOI APNA HATH NA DY

DIL CHAHAY TAB TUM 
BAAT KARO

JAB JAZBAY KARB MAI DOOBAY HOON

JAB DARD KE SHIDDAT BARH JAYE

JAB TANHA APNI ZAAT LAGAY

DIL CHAHAY TAB TUM BAAT KARO…

2010/2/17 xclus!vely m3.... <enchantingethos@gmail.com>

bohat din se kuch share nahi kia.....so aaj meri taraf se aik or............

Main ne is taur se chaaha tujhay aksar jaanaan

Jaise mehtaab ko be-ant samander chahe 
Jaise sooraj ki kiran seep ke dil main utre 
Jaise khushboo ko hawa rang se hat ker chahe

Jaise patther k kalaije se kiran phoot-ti hai 
Jaise ghunche khile mosam se hina maangte hain 
Jaise khwabon main khayalon ki kamaan toot-ti hai 
Jaise barish ki duaa aabla pa maangte hain 

Mera her khwab mere sach ki gawahi de ga 
Wusaat-e-deed ne tujh se teri khwahish ki hai 
Meri sochon main kabhi dekh sarapa apna 
Main ne dunya se alag teri parastish ki hai 

Khwahish-e-deed ka mosam kabhi dhundla jo huwa 
Noch daali hain zamanon ki naqabain main ne 
Teri palkon pe uterti huee subhon ke liye 
Torr daali hain sitaron ki tanabain main ne 

Main ne chaha k tere husn ki gulnaar fiza 
Meri ghazlon ki qataron se dehekti jye 
Main ne chaha ke mere dil ke gulistan ki bahaar 
Teri aankhon ke gulaabon se mehekti jye

Tai to ye tha ke sajata rahay lafzon ke kanwal 
Mere khamosh khayalon main takallum tera 
Raqs kerta rahay , phirta rahay khushboo ka khumaar 
Meri khwahish ke jazeeron main tabassum tera 

Mujh se maange gaa tere ehed-e-mohabbat ka hisaab 
Tere hijraan ka dehekta huwa mehshar janaa
Youn mere dil ke barabar tera ghum aaya hai 
Jaisay sheeshay ko muqabil koi patthar janaa

2010/2/4 xclus!vely m3.... <enchantingethos@gmail.com>

محبّت میں اگر کوئی جھوٹ بولے تو
محبّت روٹھہ جاتی ہے
محبّت ٹوٹ جاتی ہے
محبّت میں اداکاری نہیں چلتی
محبّت میں *ریا کاری نہیں چلتی
محبّت سچّے جذبوں سے بنا انمول موتی ہے
محبّت زندگی میں فقط اک بار ہوتی ہے
محبّت کانچ کی مانند 
محبّت آنچ کی مانند 
کہ جوں جوں وقت گزرے تو 
یہ ہر پل تیز ہوتی ہے
سلگتی آگ کی مانند
محبّت راگ کی مانند
کہ اس کے سننے والوں پر 
عجب مدہوشی چھاتی ہے 
محبّت جھلملاتی ہے 
چمکتے چاند کی مانند
محبّت ایک مورت ہے 
محبّت خوبصورت ہے
یہ مورت سب کو بھاتی ہے
کئی سجدے کراتی ہے
محبّت ریل کی مانند
کہ انجانے مسافر اس کی ہر پل 
راہ تکتے ہیں 
یہ بس اک بار آتی ہے
اگر یہ چھوٹ جائے تو 
مسافر سوگ کرتے ہیں 
مسافر روگ کرتے ہیں 
محبّت جوگ کی مانند 
جسے اک بار لگ جائے 
وہ سب کچھہ بھول جاتا ہے
محبّت دیوار سے لپٹی اک بیل کی مانند
جو سدا بڑھتی ہی جاتی ہے 
محبّت خوشبو کی مانند
جو ہر سو پھیل جاتی ہے
محبّت گنگناتی ہے
سُریلے گیت کے مانند
کسی کے نرم ہونٹوں سے 
یہ جب لفظوں کی صورت میں نکلتی ہے
تمنّا پھر مچلتی ہے
محبّت راکھہ ہوتی ہے 
محبّت پاک ہوتی ہے
محبّت معصوم سا سچ ہے
کہ اس کو بولنے سے روح میں 
پاکیزگی سی لوٹ آتی ہے 
تبھی تو! محبّت میں اگر کوئی جھوٹ بولے تو 
!!!!محبّت روٹھہ جاتی ہے

On Thu, Feb 4, 2010 at 5:48 AM, xclus!vely m3.... <enchantingethos@gmail.com> wrote:

Meri zindagi ki kitaab wo 

Mery haar sawaal ka jawaab wo 

Mein usay parhoo ga tumam umar 

Meri hyaat ka nisaab wo 

Meri haar duaa us ke liy 

Meri ebadaaton ka sawaab wo 

Mein sara din usi mein magan 

Meri har raat ka khuwab wo 

Likhun aur kya mein us ki zaat paar 

Mein likhon kia uske zaat per 

Meri zindagi ka raaz wo…

On Thu, Feb 4, 2010 at 5:43 AM, xclus!vely m3.... <enchantingethos@gmail.com> wrote:

Safar tanha nahin karte
Suno aesa nahin karte 

Chalo tum raz ho apna
Tumhain afsha nahin karte 

Suno jis ka muqaddar ho ossey chora nahi karte
Jisay shafaf rakhhna ho ussey maila nahin karte

Jo bas jata hai dharkan main ussey bhula nahin karte
Kisi ko dil dete waqt boht socha nahin kartey

Jo pehlay sey tanha ho ussey tanha nahin karte
Suno yadain sataingi magar roya nahin karte

Suno tum yad atay ho aur hum soya nahin karte

2010/2/4 xclus!vely m3.... <enchantingethos@gmail.com>

Kahin wo miley tou usy kehna k loat ao

kisi ki batain,

Kisi ki yaadain,

kisi ki raatain

tum bin bohat adhuri hain,

Lot aao k koi tum bin pal pal,

har pal, har aaj or har kal tanha hai,

Loat aao k tumhare na hone se

kisi ki aankhon mei nami or zindagi mei kami bohat zyada hai,

Kahin mile to usay kehna k Lot aao,

Bus Ab Lot Aao........

On Thu, Feb 4, 2010 at 5:09 AM, xclus!vely m3.... <enchantingethos@gmail.com> wrote:

Kal halki halki barish thi,
kal sard hawa ka raqs bhi tha,
Kal phool bhi nikhray nikhray the,
Kal un main app ka aqs bhi tha,
kal badal gehray kaale the,
Kal chand pe laakhon pehre the..
Kuch tukry app ki yaadon ke,
Bari dair se dil main thehre the..
Kal yaadien uljhi uljhi thien,
Aur kal tak yeh na suljhi thien..
Kal yaad buhat tum aye the…..
Kal yaad buhat tum aye the…..

On Thu, Feb 4, 2010 at 4:59 AM, xclus!vely m3.... <enchantingethos@gmail.com> wrote:

har roz raat ko need mujy sulany ati hay
main so nehi pata need khud so jati hay

jab dil say pochta hoon is ka sabab to
dil say awaz aati hay aaj on ko yad kar ley,raat to roz aati hay

2010/2/4 xclus!vely m3.... <enchantingethos@gmail.com>

Janna Tum ne apnay khat main

Thehray thehray lafzoon main

Kuch likha kuch chor diya

yoon lagta hai lafzoon ko

Tum ne maiyni ke der pe

laa ker wapis mor diya

"Aur phir"

Alfaaz kahan kuch keh patay hain

yeh adraak ki sakht zameen pe

ik sarhad pe ruk jatay hain

main alfaaz nahi perhti

Main to bas wo perhti hoon

jo satroon ke beech likha ha

2010/2/4 xclus!vely m3.... <enchantingethos@gmail.com>

Mat tor wo Ta'aluq jo teri zaat se hai

Tu bata khafa meri kis baat se hai

Tu bhi na Uljha ker mujh se is tarah

Tu achi tarah Waqif mery Jazbaat se hai

Main kesy jee loon tum se rooth ker

Meri her sans wabasta teri YAAD se hai

Mera Ta'alluq Jura hai kuch is tarah TUM se

Jesy Insaan ka rishta khud apny aap se hai!!!

On Thu, Feb 4, 2010 at 3:23 AM, xclus!vely m3.... <enchantingethos@gmail.com> wrote:

ik roz koi to sochey ga
farzanoun ki iss basti mein
ik shaks tha pagal pagal sa
par baatein theek hi kehta tha
barish ki tarah pur shor na tha
darya ki tarah chup rehta tha
jin sey ussey pyar bala ka tha
taney bhi unhi ke sehta tha
ik shaks tha pagal pagal sa
par baatein theek hi kehta tha

ik roz koyee to sochey ga
dunya nay ussey kuch bhi na dia
par uss nay jag ko pyar dia
jaan rotey rotey kho betha
dil hanstey hanstey haar dia
jo nazm likhi bharpoor likhi
jo shair diya shahkar diya
kyun jeetay jee dargor hua
kis chah pe tan man war dia
tha dushman kon becharey ka
kis ranj nay usko mar diya

ik roz koi to sochey ga
ik shaks tha pagal pagal sa...

2010/2/4 xclus!vely m3.... <enchantingethos@gmail.com>

Teray faraq kay lamhay shumaar kartay howay
Bikhar gay hain tera intazaar kartay howay

Tou main bhi khush hoon koi us say ja kar kah day
Ager wo khush hay mujhay bey qaraar kartay howay

Main muskurata howa aainay main ubhroon ga
Woh ro paray ge achanak singhar kartay howay

Tujhay khaber he nahi koe toot gia hay
Mohabbatoon ko bohat paedaar kartay howay

Woh kah rahe the sumander nahi hai aankhoon main
Main un main doob gia aitabaar kartay howay

Mujhay khaber thi kah ab lout kar na aaonga
Tuj ko yaad kia dard paar kartay howay...!!!

2010/2/4 xclus!vely m3.... <enchantingethos@gmail.com>

Poora Dukh or Aadha Chaand!

Hijar ki shab or aisa Chaand....

Din main wehshat behal gai thi

Raat hoi or nikla Chaand

Kis Maqtal se guzra ho ga

Itna Sehma Sehma Chaand

Yaadon ki aabad gali main

Ghoom raha hai tanha Chaand

Meri kerwat per jaag uthy

Neend ka kitna kacha Chaand

Mery munh ko kis herat se 

Dekh raha hai bhola Chaand

Itny ghany badal k peechy

Kitna tanha ho ga Chaand

Aansoo roqy Noor nahai

Dil Darya, Tan sehra Chaand

Itny Roshan Chehry per bhi

Sooraj ka hai saya Chaand

Jab paani main chehra dekha 

Tu ne kis ko socha Chaand

Baadil k Resham jhooly main 

Bhoor samy tak soya Chaand

Raat k shaany pe sir rakh ker

Dekh raha hai sapna Chaand

Sehra Sehra Bhatak raha hai

Apny Ishq main sacha Chaand

RAAT K SHAID AIK BAJY HAIN

SOTA HO GA MERA CHAAND........

wesy to 3 bajy hain....but chalta hai......

On Thu, Feb 4, 2010 at 2:35 AM, xclus!vely m3.... <enchantingethos@gmail.com> wrote:

Mera Haal e Dil Kuch aisa hai k koi bta nahi skta,
suntay hein log per koi suna nehi skta

Hawaoon pay likha hai mein ne qissa apni hayat ka
kay koi lakh chahe b to mitaa nehi skta

har ek ki tamanna hai k phoolon pay guzray zindgi
per raah main paray kantoon ko koi hata nahi skta

dil mein dukh samoo k kab tak hanstay raho ge
aankhon mein aisay aansowoon ko koi chupa nehi skta

lakh chahe in mast mailon mein gum ho jaye
magar beetay howe lamhoon ko koi bhulla nehi skta

koi rooth jaye tum say to mana lena
kay jaane walon ko koi wapis bula nehi skta

her rooshan cheez ko paa lainay ki aarzo na kar
kay sooraj nikalta hai per uski taraf koi aankh utha nehi skta

samander ki lehroon pay likhte hein hum unka naam
kay koi aag laga b day per jala nehi skta

On Thu, Feb 4, 2010 at 2:26 AM, xclus!vely m3.... <enchantingethos@gmail.com> wrote:

Na jaany dhondtey ho kia meri veeran ankhon main

Chupa rakahin hain main ne to kai toofan ankhon main

Kahan wo shokhiyan pehly si Ab kuch bhi nahi baqi

Chale ai ho Tum kia khojny Be Jaan ankhon main

Kisi ka hath le ker hath main Jab wo mily mujh se 

To kesy toot ker bikhra tha mera maan ankhon main

Na samjho chup hain to Us se koi shikwa nahi baqi

Main apne derd ki nahi rakhti pehchan ankhon main 

2010/2/4 xclus!vely m3.... <enchantingethos@gmail.com>

Kami hai to bus itni hai muhabbat k fasany main

Jisey dil dhondta hai wo nahi milta zamane main

Faqat Deewar o Der k patharon ko gher nahi kehty

Kisi ka sath bhi lazim hai gher ko gher banany main

Yahan sab Apni APni manzilon k raston main hain

Koi uljha hai khony main koi khoya hai paany main

On Sat, Jan 30, 2010 at 1:53 AM, xclus!vely m3.... <enchantingethos@gmail.com> wrote:

MUHABBAT KARNE WALE DIL


Muhabbat karne wale dil

Buhat hassaas hote hain

Bas unka aik hi mahwar

Bas unka aik hi markaz

Bas unki aik hi manzil

Bas uunki justujo ka aur tarap ka

Aik hi hasil

Unhe bas aik hi dhun hai

KHUDA mehboob ko unke

Hamesha shadma rakhey

Na uska dil kabhi toote

Na koi saneha guzre

Koi ghum choo nahi paye

Udasi pass na aye

Muhabbat karne wale dil

Buhat hassaas hote hain

Muhabbat karne wale dil

Kabhi sooda nahi karte

Na koi shart rakhte hain

Na unke mo'afzey ki hiras hoti hai

Kisi rad-e-amal se ya badal se

Unko kya matlab

Ana se unka kya rishta

Jafa se kya ilaqa

Unhe tou aik hi dhun hai

KHUDA mehboob ko unke

Hamesha shadma rakhey

2010/1/30 xclus!vely m3.... <enchantingethos@gmail.com>

Kabhi tum khud b aa dekho ye manzar shaam say pehley 
Ye lab kaisy Larraztay hein tumhary naam say pehlay, 

Nahi mumkin mein Raah-e-shoq say wapas palat jaoon 
Parinday to nahi lotey kabhi ghar sham say pehlay, 

Nahi maloom kab say hy taluQ"tum sy." apna 
Tumhara Aks tha DiL me tumhary Naam sy phly

2010/1/30 xclus!vely m3.... <enchantingethos@gmail.com>

Yehi wada lia tha na,

Hamesha khush hi rehna hai,

Lo dekho! dekh lo aa ke,

Meri Ankhon ko dekho tum,

Yeh kitni shok lagti hain,

Mere honton ko dekho tum,

Hamesha muskuraty hain,

Koi bhi ghum ager aya,Usey hans ker saha maine,

Mere chehre ko dekho tum,Hamesha pursakoon ho ga,

Kia tha maine jo tum se,

Woh wada ker dia poora,

Magar ik baat hai piyary,

Kabhi jo waqt mil jai,

To meri shaiyri perhna,

Tumhain mehsoos to ho ga,

Kaheen talkhee bhara lehja,

Kaheen pe serd sa lehja,

Kaheen pe derd ki jheelain,

Kaheen lehjy ki kerwahat,

Suno!

Main khush to hun lekin,

MERA HER LAFZ ROTA HAI......

On Sat, Jan 30, 2010 at 1:02 AM, xclus!vely m3.... <enchantingethos@gmail.com> wrote:

Tum ne murjhai howe phool kabhi dekhy hain?

Dil ki qabron pe pary.....

Hijr ki laash ki ankhon pe dhary

Tum ne uktai howe khawab kabhi dekhy hain?

Derd ki palkon se lipty howe.....

Ghabrai howe

Tum ne bechain dua'en kabhi dekhi hain?

Muhabbat k kinaron pe bhatakti phirti

Tum ne dekha hai mujy?

Kia kabhi dekha hai mujy?

On Sat, Jan 30, 2010 at 12:45 AM, xclus!vely m3.... <enchantingethos@gmail.com> wrote:

Mohabbat ki aik nazam

agar kabhi mairee yaad aye tu chand ratoon ki naram dillgeer roshni main kise sitaray ko dekh layna agar wo naqal-e-falak say uoor ker tumharay qadmoon main a giray tu yee jaan layna, wo isteaar thaa mairay dill ka agar na ayee................ .................... .... magar ye mumkin hi kiss terhan hay k tum kise per nigha daloo tu is ki deewar-e-jaan na tootay wo apni hasti na bhool jayee agar kabhi mairee yaad ayee gureez kerti hawa ki lehroon pay hath rekhna main khoshbo,oon main tumhain miloon gaa mujhay gulaboon ki pattiyoon main talash karna main oos k qatroon k aienoo main tumhain miloon gaa agar sitaroon main, oos k qatroon main, khoshbo,oon main,na paoo mujko tu apnay qadmoon main dekh laynaa main gard hoti moosafatoon main tumhain miloon gaa kahin pay roshan chirag dekhoo tu jaan layna k hir patangay k sath main bhi bhikher chooka hoon tum apnay hatoon say in patangoon ki khaak derya main daal dayna main khaak ban ker samandaroon main safar karoon gaa kise na dekhay howay jaziray pay ruk k tum ko sadaian doongaa samandaroon k safar pay nikloo tu us jaziray per bhi utherna

2010/1/30 xclus!vely m3.... <enchantingethos@gmail.com>

Ikk Larki Shehar Mein Aisi Thi 
Jo Bilkul Sapnon Jaisi Thi 
Na Uss Ki Koi Saheli Thi 
Woh Khud Bhi Ekk Paheli Thi 
Hum Aksar Unn Raahon Say Guzartey Thay 
Jinn Raahon Say Woh Guzarti Thi 
Shayad Uss Ki Nisbat Say 
Woh Raah Bhi Hum Ko Bhaati Thi 
Abb Shehar Ka Mosam Badla Hai 
Ikk Larka Shehar Mein Aisa Hai 
Jo Ukhrrha Saa Rehta Hai 
Inn Hastey Bastey Logon Mein 
Kuch Ujrrha Sa Rehta Hai 
Abb Kehtey Hain Ye Log Shehar Ke 
Uss Ki Bhi Aik Kahani Thi 
Ikk Larki Shehar Mein Aisi Thi 
Jo Uss Ke Dil Ki Raani Thi 
Jissey Likhta Tha Woh Lafzon Mein 
Jissey Takta Tha Woh Taaron Mein 
Abb Khatam Hui Hai Unn Ki Chaahat 
Inn Rasmon Ki Deewaron Mein...!

On Mon, Jan 18, 2010 at 12:40 AM, xclus!vely m3.... <enchantingethos@gmail.com> wrote:

Meri Zindagi to firaaq hai, wo azal se dil main makeeN sahi
Wo nigaah-e-shauq se door hain,rag-e-jaaN se laakh qareeN sahi

Hamein jaan deni hai aik din, wo kisi tarah wo kaheeN sahi
HameN aap khainchiye daar par, jo nahiN koi to hameeN sahi

Sar-e-toor ho, sar-e-hashr ho, hamein intezaar qabool hai
Wo kabhi mileN,wo kahin milein,wo kabhi sahee,wo kaheeN sahi

Na ho un pe kuchh mera bass nahin, ke ye aashqi hai hawas nahiN
MaiN unhi ka tha, main unhi ka huN, wo mere nahiN, to nahiN sahi

Mujhe bhaithne ki jagah milay, meri aarzoo ka bharam rahay
Teri anjuman meN agar nahiN, teri anjuman ke qareeN sahi

Meri Zindagi ka naseeb hai, nahin door mujh se qareeb hai
Mujhe uska gham to naseeb hai, wo agar nahin tu naheeN sahi

Jo ho faisla wo sunaaiye, usse hashr par na uthaaiye
Jo kareinge aap sitam wahaN, wo abhi sahee, wo yaheeN sahi

UnheN dekhne ki jo lou lagi, to 'Qateel' dekh hi laiNge hum
Wo hazaar aankh se door hoN, wo hazaar pardah nasheeN sahi

On Mon, Jan 18, 2010 at 12:33 AM, xclus!vely m3.... <enchantingethos@gmail.com> wrote:

jab raat gaye teri yaad aayii, sau tary se jii ko behlaayaa
kabhii apne hii dil se baateN kiiN, kabhii terii yaad ko samjhaayaa

yuuNhii vaqt gaNvaaya motii saa, yuuNhii umr gaNvaayii sone sii,
sach kehte ho tum bhii ham suKhanoN, is ishq meiN ham ne kyaa paayaa?

jab pehl-e-pehl tujhe dekhaa thaa, dil kitne zor se dhaRkaa thaa
vo lehr na dil meiN phir jaagii, voh vaqt na lauT ke phir aayaa

phir aaj tire darvaaze par, baRii der ke baad gayaa thaa magar,
ek baat achaanak yaad aayii, maiN baahar hii se lauT aaya

On Mon, Jan 18, 2010 at 12:21 AM, xclus!vely m3.... <enchantingethos@gmail.com> wrote:

tum jab aye man mandir may
dekha tum ko chaha tumko lakin maine yeh kab socha jo rasta sahil per wohi rasta tu wapis bhi jata hai
pheli pheli bar mily jab
pyar ka alam mat poochoo tum
kaisa nasha tha kaisi masti bheeg rahe thay ek barish may
is chahat may ek nazar may dob gaye thay
phali phali bar ka alam kaise bataon tum ko balam
kaisa nasha tha kaisi masti
kaisa sama tha kaisa manzir
ek dujhe may kho huwee thay
jagte may may bhi sooye huwee thay
khuwab ka alam roshan roshan
cha ka nasha munzir munzir
phele phele ishq ka alam
pheli nazar ki baat na poochoo
kya kuch dil may utara tha
kali ankhain sundar mukhra
chand wali mathay pe tika
phool say mehaki kale baloon wali
phala manzir pheli nazar ka alam
kaise batain tum ko sajan
kaise baatain tum ko balam
pheli pheli bar laga tha
dil dharkha hai tazi say
sans chali hai tazi say
khoon baha hai tazi say
nus nus may rag rag may
pheli pheli bar barish may
wasal say anjuman pheli nazar ka phele ishq ka phela munzir
kaise batain tum ko humdum
kaise batain tum ko sajan

2010/1/18 xclus!vely m3.... <enchantingethos@gmail.com>

Main jub bhi dob k likhta hoon
Sub log ye mujh sy kahty hain
Nazmo sy ishq khuda jaisa
Gazaloon ma kaif udasi ka
Kis dost ny tum ko sonpa hy?
Mera aik jawab hamesha sy
Ik shakhs jo shahr ma aya tha
Kuch rooz wo mery sath raha
Mery lahjy k amrat rus main
Us ny kuch aisa rung diya
Hr nazuk DIL moh leny ka
Mery lafzoon ko ahang diya
Phir soch k tany bany ma
Uljha kr mujh ko choorr gaya
Kuch din sy uski yaad yoon hi
Is dil pr destalk deti hy
Aur Paaon ma Zangeer parri
Kub hum ko jany deeti hy
Kub dil main uski aas nahi
Ye baat alag who mery pass nahi….!!!!!

On Mon, Jan 18, 2010 at 12:13 AM, xclus!vely m3.... <enchantingethos@gmail.com> wrote:

Bohat dino ki baat thi
shabab per bahar thi
fiza bhi khushgawar thi
na jaane kioun machal para
main apne ghar se chal para
kisi ne mujh ko rok ker
bari aada se tok ker
kaha ke laut ayyee
meri qasam na jayyee
meri qasam na jayyee

magar mujhe khabar na thi
mahaul per nazar na thi
na janey kioun machal para
main apney ghar se chal para
phir shehar se main aa gaya
khayal tha ke paa gaya
usey jo mujh se durr thi
magar meri zaroor thi
phir ik haseen shaam ko
main chal para salam ko
gali ka rang dekh ker
naye tarang dekh ker
mujhe bari khushi hui
main kuch isi khushi main tha
kisi ne jhank ker kaha
paraye ghar se jayyee
meri qasam na ayyee
meri qasam na ayyee

wohi haseen shaam hai
bahar jis ka naam hai
chala hoon ghar ko chor ker
na janey jaoon ga kidhar
koi nahin jo rok ker
koi nahin jo tok ker
kahay ke laut ayyee
meri qasam na jayyee
meri qasam na jayyee

On Mon, Jan 18, 2010 at 12:10 AM, xclus!vely m3.... <enchantingethos@gmail.com> wrote:

Jab seena gham se bhojal ho aur yaad kisi ki aati ho
Tab kamrey me band ho jana aur chupke chupke ro lena

Jab ankhain baagi ho jayen aur yaad me meri bhar aayen
Phir khud ko dhoka mat dena aur chupke chupke ro lena

Jab palkein karb se moondi hon aur sab samjhain tum soye ho
Tab munh per takkiya rakh lena aur chupke chupke ro lena

yeh duniya zaalim duniya hai, yeh baat bohat phelaaye gi
Tum saamney sab k chup rehna aur chupke chupke ro lena

Jab barish chehra dho daaley aur ashk bhi boondain lagti hon
Woh lamha hargiz mat khona aur chupke chupke ro Lena!!!!!!

2010/1/18 xclus!vely m3.... <enchantingethos@gmail.com>

Kaho phir kiya kia jai.

Kaho phir kiya kia jai...?
Mujhe tum achi lagti ho
Tumhai'n main Acha lagta ho'n
Kaho Phir kiya kia jai...?
Tumhari jagmagati, Muskurati,
Geet gati, Dil ruba Aankhai'n
Boht gehri Bari katil nihayat
Kushnuma Aankhai'n
Mere Dil se meri Be'tabiyo'n se
Khailti Aankhai'n
Kamoshi ki zuba'n me
mujh se kiya kuch Bolti Aankhai'n
Bazahir Dosto'n me Khil-kilati
Chor Nazro'n se mujhe Muskurati
Aawaz deti Dhunty Aankhai'n
wo meri Rouh K Rukhsar ko
ek faasle se Chumti Aankhai'n
Ye sb Batai'n btati hay
Main tum ko Acha lagta ho'n
wo mere Zabth Kho Denay
pe Pemaish bhari Nazrai'n
Ada-e-be'niazi ka wo ek
naa-kaam sa manzar
wo ek Kamzor si be'ittifaqui,
be'rukhi k sir pe ek
Mohoom se kawish
Mujhe ha'n mujhe
yu'n he Nazar andaz
karne ki wo ek
Dil-Chusp si koshish
Sar-e-Mehfil tumhara Raaz
Khul jane k Der se
Be'irada ghair ahem Logo'n se
Rasm-e-guftogu karna
Ye sb Batai'n btati hay
Tumhai'n main Acha lagta ho'n
kaho phir kiya kia jai...?
Mere be'sakhta fikre
mere Lehjay ki hr Shoki
Mera hr waqt hr ek Simt
tum ko Dhunttai'n rehna
Nazar partay he tum pr
Zor se Dil ka Dharak uthna
Ye sb batai'n btati hay
Mujhe tum Achi lagti ho
Tumhai'n main Acha lagta ho'n
Kaho phir kiya kia jai...?
Hamaray Darmiya'n Rasmo'n, Riwajo'n ka
Samaji martabe ka Umr ka or Khandano'n ka
Boht gehra khala hay
Usay Kesay, Kesay, Kesay pur kiya jai...?
Kaho phir kiya kia jai...?
Kaho phir kiya kia jAi...?

On Sun, Jan 17, 2010 at 11:54 PM, xclus!vely m3.... <enchantingethos@gmail.com> wrote:

TUMHE MUJHSE MOHABAT HAI

.
..
..
musalsal soch mein rehna
kisi se kuch nahi kehna
kisi goshey mein chup k
khud se mehve guftugu rehna

achnak dil mein koi metha metha dard uthna
besabab bechain ho jana
akele beth k rona
kai ratein nahi sona
wo pehron bethe bethe
jane kis manzar mein kho jana

kisi ahat kisi bhi chap se
phir chonk si parna
mere saye se bachna
samne ane se katrana
suno pagal si ai larki

kahi or unkahi k darmiyan
soli pe latki ho
tumhe malom hai tum jan kar
manzil se bhatki ho
ye mana bohat khud.dar ho tum
per ye haqeqat hai

ana ek had tak achi hai
magar us had se agay
ye mehz khud farebi hai
azaiet seh rahi ho or chup ho
kiya qayamat hai

tum akhir q nahi kehtin

tumhe mujh se mohabat hai...
tumhe mujh se mohabat hai...

2009/12/26 xclus!vely m3.... <enchantingethos@gmail.com>

jo chla gya mujhe chor ker 

main kabhi na us ko bhula ska

wohi doorian, wohi faasle

main kabhi na in ko mita ska

kya usey b mujh se pyar tha

ya tabassum us ka shuar tha

wo koi ajeeb sawaal tha

jo meri samajh mein na aa ska

meri zindagi ka sukoon tha

wo mere dil ka ik junoon tha

wo meri bandagi mera pyar tha

yehi baat na main us ko bta ska

yehi sochta tha main raat bhr

jo kabhi miley ga wo raah per

to karun ga us se shikayatein

wo mila to lab b na hila ska

jo chla gya mujhe chor ker

main kabhi na usko bhula ska.....

On Sat, Dec 26, 2009 at 1:18 AM, xclus!vely m3.... <enchantingethos@gmail.com> wrote:

Yea barishain bhi TUM si hain

Jo baras gai tou Bahar hain

Jo tehar gai tou Qarar hain

Kabhi aa gai yunhi besabab

Kabhi chaa gai yunhi ROZ-O-SHAB

Kabhi Shor hain, kabhi Chup si hain

Yea barishain bhi TUM si hain

Kisi Yaad main, kisi Raat ko

Aik Dabi hoi si Rakh ko

Kabhi yun howa k Bujha dea

Kabhi khud se khud ko Jala dea

Kahin boond booNd main Gum si hain

"YEA BARISHAIN BHI TUM SI HAIN"

2009/12/26 xclus!vely m3.... <enchantingethos@gmail.com>

Mohabbat ki tabiyyat main agerchy gham nahi hota

Mager khadsha judai ka ghamon se kam nahi hota

 

Koi jugnu koi taara kahein se dhoond ker lao

Gharon ko phoonk deny se andhera kam nahi hota

 

Mohabbat kerny waly to hamesha saath rehty hain

Mohabbat main judai ka koi mosam nahi hota

 

Zameen walon se ye keh ker falak se dhal gaya sooraj

Ujala bant deny se ujala kam nahi hota

2009/12/26 xclus!vely m3.... <enchantingethos@gmail.com>

Chupana raaz is dil k

Agar tum chor do Jana

Tumhain mujh se muhabbat hai

Agar tum bol do Jana

To jeevan k safar main

Rasta aasan ho jai

Hamary pas bhi jeeny ka kuch saman ho jai

Wagerna hum

Tumhary dil k darwazy k bahir

Aas main bethy rahain ge

Tum kabhi to darwazy ko kholo ge

Mery shaany pe sir rakh ker

Kabhi dheery se bolo ge

Mujy TUM se mohabbat hai

On Sat, Dec 26, 2009 at 12:43 AM, xclus!vely m3.... <enchantingethos@gmail.com> wrote:

main ny iss tour sy chaha tujhay aksar jana

jaisay mahtab ko bai-ant samanadr chahy

jaisy soraj ki kiran seep k dil min utray 

jaisy khushbo ko hawa rang sy hut kr chahay

jaisay pathar k kaleejy sy kiran phottati hai

jaisay ghunchay khulay mosam sy hina mangty hain

jaisay khawbon mein khiyalon ki kuman tooti hai

jaisay barish ki dua aabla pa mangtya hain

mera her khawab merayu such ki gawahi dy ga

wussat-i-deed ny tujh sy teri khawhish ki hai

meri sochon mein kabi daikh sirapa apna

main ny duniya sy alag teri purastish ki hai.

2009/12/26 xclus!vely m3.... <enchantingethos@gmail.com>

Kahte hain jab ghar main achanak
Aisi aag bharak uthey
Jo chashm-e-zadan main
Har aik shea ko apni mout lapait main le le
Aag bhujana mushkil ho aur
Ghar ka asasa us se bachana na mumkin tou
Ik hi rasta rah jata hai
Jo bachta hai wohi bachao!!
Ghar ki sab se qeemti cheezain hath mai lo aur
Us se duur nikal jao
Mere dil main bhi aisi hi aag lagi thi
Main ne jaldi jaldi ankh main tere khuwab sametey
Teri yaad k tukrey chuuN kar dhiyan main rakhey
Aur is aag main dil ko jalta choor kar duur nikal aaya ho'n
MAIN NE THEEK KIYA HAI NA.....!!!!

On Thu, Dec 24, 2009 at 2:21 AM, xclus!vely m3.... <enchantingethos@gmail.com> wrote:

Badal kuch aise barsa tha!  Jese ronay ko tarsa tha...  Tu sab jesa ho jaye ga !  MAin ne kab aisa socha tha...  Waqt wahin pe theher gya hai !  Tu jis pal mujh se bichra tha..  Meri soch ki deewaron par!  Teri yaad ka chand saja tha..  Pathar dil hona tha aakhir!  Main ne pathar ko pooja tha...  Shaam dhalay aangan main teri !  Yaad ka panchi chahek raha tha...  Uss ne bass ik shaam kahi thi!  Main ne jeevan sonp dia tha ...

2009/12/24 xclus!vely m3.... <enchantingethos@gmail.com>

Chalo Hum Farz Kartay Hain

Wohi Baatein

Jo Dunya Mein Nahi Hoti

Chalo Hum Farz Kartay Hain

k Har Soo Noor Phaila Hay

Na Din Mein Chaya Sannata

Na Raaton Mein Andhera Hay

Na Sooraj Shab Mein Sota Hay

Na Din Mein Chand Khota Hay

Hay Har Dil Roshnee Se PurNoor

Aur Aankhon Mein Ujalay Hain

Chalo Hum Farz Kartay Hain

k Har Mousam Baharaa Hay

Khizaa Mein Phool Khiltay Hain

Nigahein Rangoo Se Nahati Hain

Guloon Ki Khushboo Se

Sab Nazaary Muattar Hain

Parinday ChehChaty Hain

Khushi k Geet Gatay Hain

Chalo Hum Farz Kartay Hain

k Har Dil Mein Muhabbat Hay

Kahin Jaghrray Nahi Hotay

Na Barish Dukh Ki Hoti Hay

Na Aandhi Gham Ki Chalti Hay

Na Nafrat Phaans Banti Hay

Hain Sabhi Chehroon Pe Muskanein

Kahin Jaghrray Nahi Hotay

Chalo Hum Farz Kartay Hain

k Gham Khushion Se Behtar Hain

Chalo Hum Farz Kartay Hain

Yeh Dunya Tum Se Behtar Hay

Zara Thehro

Magar Hum Farz Kiun Kar Lein

Yakeen Mujh Ko Batata Hay

Haqeeqat To Haqeeqat Hay

Main Sab Kuch Jaan Sakta Hoon

Na Sooraj Shab Mein Chamkay Ga

Na Din Mein Chand Niklay Ga

Khizaa Mein Gul Nahi Khiltay

Yeh Nafrat Mar Nahi Sakti

Na Gham Khushion Se Behtar Hain

Na Dunya Tum Se Behtar Hay

Hay Dunya Ki Haqeeqat Kya

Faqat Ik Tum Hi Achay Ho

Jahanoo Se Zamanoo Se

Makanoo La Makanoo Se

Yeh Sab Kuch Hay Vohi

Jo Iss Dunya Mein Hota Hay

To Phir Hum Farz Kiun Kar Lein

k Dunya Tum Se Behtar Hay

Nahi

Faqat Ik Tum Hi Achay Ho...!!!

2009/12/24 xclus!vely m3.... <enchantingethos@gmail.com>

Muhabbat Rog Hay Jaana
Ajab Sanjog Hay Jaana
Yeh Kaisa Jog Hay Jaana

Baray Borhay Btatay Thy
Kayi Qissay Sunatay Thy
Magar Hum Mantay Kab Thy
Yeh Sab Kuch Jantay Kab Thy
Yeh Baatein Zikr k Qabil
Bhala Gardantay Kab Thy

Ana k Takht Par Baithy
Humein Maloom Hi Kab Tha
Ana k Takht Se Ooper
Bohat Sari Bulandi Par
Kahin Pariyon k Jhurmat Mein
Tery Pairoon Ki Payel Mein
Tery Chotay Se Gaaon Mein
Ghani Zulfoon Ki Chaaon Mein
Sitaray Chaand Sooraj
Walehana Raqs Kartay Hain

Humein Maloom Hi Kab Tha
Tery Qadmon Ki Aahat Par
Gulabi Muskurahat Par
Tery Hontoon Ki Jumbash Par
Tery Sir k Isharay Par
Sada-e-DilBrana Par
Nigah-e-Qatilana Par
Jafa-e-Mehrmana Par
Ada-e-Kafirana Par
Chaman k Phool Saray
Iss Tarah Se Dhayan Detay Hain
Zara Se Wasl k Jhansey Mein
Apni Jaan Detay Hain

Humein Kab ILM Tha Jaana
Tery Pekar Se Dhul kar
Chandani Har Soo Bikharti Hay
Shab-e-Mahtab Ki Doshezgi
Kaisy Nikharti Hay
Teri Payel Ki Chan Chan
Mann Mein Kya Ghanti Bajati Hay
Teri Awaz Veerany Mein
Kya Jadu Jagati Hay
Tery Naghmay Fiza Mein
KisTarah Jal Tarang Bajaty Hain
Bohat Pukhta Iraday
Kis Tarah Se Toot Jatay Hain

Humein Idraak Hi Kab Tha
Humein Kamil Bharosa Tha
Hamary Sath Kisi Surat
Bhi Aisa Nahi Ho Ga
Dil-e-Nadaan Kabhi
Qaboo Se BeQaboo Nahi Ho Ga
Yeh DuniyaDaar
DuniyaDaar Se Saadhuu Nahi Ho Ga

Magar
Magar Phir Yun Huwa Jaana
Na Janay Kiun Huwa Jaana
Bara Afsoon Huwa Jaana
Jigar Ka Khoon Huwa Jaana
Tery Abroo Ki Ik Jumbash
Se Ghayel Ho Gaye Hum b
Baray Be Multafit Phirtay Thy
Maayel Ho Gaye Hum b
Sakhawat Karnay Aye Thy
Aur Saayel Ho Gaye Hum b
Baray Borhoon Ki In Baaton k
Qaayel Ho Gaye Hum b
K ....
Muhabbat Rog Hay Jaana
Ajab Sanjog Hay Jaana
Yeh Kaisa Jog Hay Jaana...!!!

On Thu, Dec 24, 2009 at 1:53 AM, xclus!vely m3.... <enchantingethos@gmail.com> wrote:

GEHRI GEHRI AANKHON WALI

Gehri Gehri Aankhon Wali Uljhi Uljhi Pagal Larki Tu Yeh Kis Ki Dhun Mein Aakhir Lambi Lambi Palkon Ooper Motay Motay Aansoo Le Kar Sundar Komal Pairoon Neechay,Jalti Balti Dharti De Kar Kariya Kariya Bhag Rahi Hay,Kis Ki Khatir Jaag Rahi Hay Tujh Ko Yeh Maloom Nahi Kya Tujh Jaisi Na Janay Kitni Gehri Gehri Aankhon Wali Kaisi Kaisi Sundarta k Dhair Khazanay Le Kar Nikleen Lekin Phir b Iss Rastay Se Manzil Tak Pahunchanay Wala Har Ik Saathi Jhoota Nikla Ek Ek Aasha Dushman Nikli,Ek Ek Sapna Dhoka Nikla Sacha Har Ik Khadsha Nikla Dekho...Tum b Janay Do Ab Nadani Ka Jitna Rasta Tum Ne Ab Tak Tay Kar Dala Uss Rastay Se Ghar Ki Manzil Ab b Itni Door Nahi Hay Ab b Wapis Ja Sakti Ho,Sab Kuch Wapis Pa Sakti Ho Ab b Gar Tum Nadani k Iss Rastay Se Ghar Na Palteen To Phir Ek Din Aisa Hoga Sundar Aankhein Mar Jayein Gi Palkein Khoon Se Bhar Jayein Gi Jaan Laboon Par Aa Jaye Gi Tan k Saray Ujlay Pan Ko Ghor Musafat Kha Jaye Gi Uss Din Phir Tum Chillao Gi,Lekin Kuch Na Hasil Ho Ga Saray Lams k Bhookay Saathi,Punkh Laga Kar Urr Jayein Ge Tum Rastay Mein Reh Jao Gi Rasta b Vo Jis k Peechay Dar Ki Gehri DalDal Hogi.Aagay Gham Ka Jungle Hoga Sir Par Gehra Badal Hoga Uss Din k Aanay Se Pehlay,Uss Din Tak Janay Se Pehlay Waqt Milay To Dhalnay Walay Har Lamhay Ki Zaat Pe Socho Duniya Ki Bareek Nazar Se,Duniya Ki Har Baat Pe Socho Jazboon Ki Aukaat Hi Kya Hay Jazboon Ki Aukaat pe Socho Vo Dekho...Ek Saaye Par Phir Veeranay Mein Bijli Karki.. Gehri Gehri Aankhon Wali Uljhi Uljhi Pagal Larki...!!!

2009/12/24 xclus!vely m3.... <enchantingethos@gmail.com>

Aye Ishq Hamein Barbaad Na Kar
Aye Ishq Na Ched Aa Aa Ke Hamein
Ham Bhoole Hoye Ko Yaad Na Kar
Pehle Hi Bahut Naashad Hain Ham
Tu Aur Hamein Naashaad Na Kar
Qismat Ka Sitam Hi Kam Nahi Kuch
Yeh Taaza Sitam Ijaad Na Kar
Yun Zulm Na Kar Bedaad Na Kar
Aye Ishq Hamein Barbaad Na Kar
Jis Din Se Mile Hain Dono Ka
Sab Chain Gaya Aaram Gaya
Cheharon Se Bahaar-E-Subah Gayi
Aankhon Se Farogh-E-Shaam Gaya
Haathon Se Khushi Ka Jaam Chuta
Honthon Se Hansi Ka Naam Gaya
Ghamgin Na Bana Naashaad Na Kar
Aye Ishq Hamein Barbaad Na Kar
Raaton Ko Uth Uth Ke Rote Hain
Ro Ro Kar Duaien Karte Hain
Aankhon Main Tasavvur Dil Main Khalish
Sar Dhunate Hain Aahein Bharte Hain
Aye Ishq Yeh Kaisa Rog Laga
Jeete Hain Na Zaalim Marte Hain
Yeh Zulm To Aye Jalaad Na Kar
Aye Ishq Hamein Barbaad Na Kar
Yeh Rog Laga Hai Jab Se Hamein
Ranjeeda Hoon Main Beemaar Hai Woh
Har Waqt Tapish Har Waqt Khalish
Bekhuwaab Hoon Main Bedaar Hai Woh
Jeene Se Idhar Bezaar Hoon Main
Maranbe Pe Udhar Tayaar Hai Woh
Aur Zabt Kahe Fariyaad Na Kar
Aye Ishq Hamein Barbaad Na Kar
Bedard Zara Insaaf To Kar
Ais Omar Main Aur Maghmoom Hai Woh
Phoolon Ki Tarah Naazuk Hai Abhi
Taaron Ki Tarah Masoom Hai Woh
Yeh Husan Sitam Yeh Ranj Ghazab
Majboor Hoon Main Mazloom Hai Woh
Mazloom Pe Yun Bedaad Na Kar
Aye Ishq Hamein Barbaad Na Kar
Aye Ishq Khudara Dekh Kahin
Woh Shokh Hasin Badnaam Na Ho
Woh Maah-E-Laqa Badnaam Na Ho
Woh Zohra-Jabin Badnaam Na Ho
Naamoos Ka Us Ko Paas Rahe
Woh Parda Nashin Badnaam Na Ho
Us Pardaa Nashin Ko Yaad Na Kar
Aye Ishq Hamein Barbaad Na Kar
Omeed Ki Jhuthi Jannat Ke
Rah Rah Ke Na Dikhla Khuwaab Hamein
Aainda Ke Farzi Ishrat Ke
ade Se Na Kar Betaab Hamein
Kahata Hai Zamana Jis Ko Khushi
Aati Hai Nazar Kaamayaab Hamein
Chod Aisi Khushi Ko Yaad Na Kar
Aye Ishq Hamein Barbaad Na Kar
Do Din Hi Main Ahad-E-Tifali Ke
Masoom Zamaane Bhool Gaye
Aankhon Se Woh Khushiyaan Mit Si Gayi
Lab Ke Woh Taraane Bhool Gaye
Un Paak Bahishti Khuwaabon Ke
Dilchasp Fasaane Bhool Gaye
n Khuwaabon Se Yun Aazaad Na Kar
Aye Ishq Hamein Barbaad Na Kar

2009/12/24 xclus!vely m3.... <enchantingethos@gmail.com>

Hamari aur US ki zindagi main faqt

Tarteeb ka ferq hai Faraz

US ki zindagi main HUM sab k baad aaty hain

Hamari zindagi main sab US k baad aaty hain

2009/12/23 xclus!vely m3.... <enchantingethos@gmail.com>

JADUU HAIN TERE NAIN

Jab kaali kaali ankho'n ne

DoO narmal narmal ashko'n ne

DoO komal komal pholo'n ko

Shadaab kiya

Is waqt mujhe

Is dil ne buhat betaab kiya

Aur maine apni ankho'n mai

Un ANKHO'N KO ABAAD KIYA

2009/12/23 xclus!vely m3.... <enchantingethos@gmail.com>

"MUHABBAT Chor dee HUM ne"

Abhi jub lout ker phir TUM humaray dur per aye ho
Yeh tum se keh diya kis nien
ke TUM bin reh nahien saktay
ke yeh dukh seh nahien saktay
Chalo yeah maan laitay hain
ke TUM bin HUM buhat roye
kayee ratoon ko na soye
Mager ik baat hai "JANA"
Ke TUM nakam loto gay
Ager TUM jannana chaho
ke aisa kion kiya HUM nien
To sun lo ghor se "JANA"
Purani ik riwayat torde di HUM nien

"MUHABBAT chor di HUM ne"

"MUHABBAT chor di HUM ne".

2009/12/23 xclus!vely m3.... <enchantingethos@gmail.com>

JO MERE DIL KI TAPTI RAIT PER BARSAAT KARTI HAIN

WO ANKHAIN CHUP BHI HOTI HAIN TOU MUJHSE BAAT KARTI HAIN

2009/12/23 xclus!vely m3.... <enchantingethos@gmail.com>

KAHIN DIL CHORD AYE HO ?

Buhat Chup chup Se Rehtay Ho
Na Bantay Ho , Sanwartay Ho

Na Koi baat Kertay Ho
Bhari Mehfil Main Bhi Akser

Humesha Khoye Rehtay Ho
Udassi Aankh Main Le Ker

Her ik Chehray Ko Taktay Ho
Koi jab Yaad Ata Hai

To Thundi Aah Bhartay Ho
To Khul Ker Kion Nahien Kehtay

Kisi Se Payar kertay ho
Kahien Dil Chorde Aye Ho ??????????

2009/12/23 xclus!vely m3.... <enchantingethos@gmail.com>

Kaha tha na...
is tarha sotay hoye chorde ke mut jana
mujhe be-shak jaga dena
bata dena

ke tumhain rasta badlna hai
mairy hud se nikalna hai

Tumhain kis baat ka dur tha ??????????
kia main janay nahien daita?
kahien pe qaid ker laita??????

aray pagal muhabbat ki tabiyat main zaberdasti nahien hoti
jisay rasta badlna hai usay rasta badlanay se
jisay hud se nikalna ho usay hud se nikalnay se

na koi rok paya hai na koi rok paye ga

tumhaien kis baat ka dur thaaa???????

mujhe jaga daitay


bus yeh yaad rakhna ae hum dum
ab in jagti Aankhoon main
khuwab tumharay hi bastay hain
in Aankhoon ke ansoonoon main
tumhary yaadoon ke deep
ban ke moom chalaktay hain


bus yaad yeh rakhna ae mairay hum dum
in Aankoon ki roshni ke bujhnay tuk
main intizar ke deep jalaon ga
mairay ghar ke rastay pe
teray qadmoon ki ahat ko sun ke hi jaon ga

apni sansoon ke thumnay tuk
apnay jism ke mernay tuk
tujhe dil main basoonga

bus tera kehlaoon ga

ke sansoon ke thamnay ki wajha bhi sirf yehi ho gi

"is duniya main na sahi , agli duniya main to mairy ho gi"

On Wed, Dec 23, 2009 at 2:33 AM, xclus!vely m3.... <enchantingethos@gmail.com> wrote:

shola-e-ishq bujhaanaa bhii nahiiN chaahtaa hai
vo magar Khud ko jalaanaa bhii nahiiN chaahtaa hai

us ko manzuur nahiiN hai mirii gumraahii bhii,

aur mujhe raah pe laana bhii nahiiN chaahtaa hai

sair bhii jism ke sehraa kii Khush aatii hai magar,
der tak Khaak uRaanaa bhii nahiiN chaahtaa hai

kaise us shaKhs se tabiir pe israar kareN

jo koii Khwaab dikhaana bhii nahiiN chaahtaa hai

apne kis kaam meN laayega bataata bhii nahiiN
ham ko auroN pe ganvaanaa bhii nahiiN chaahtaa hai

mere lafzoN meN bhii chhuptaa nahiiN paikar us ka,
dil magar naam bataana bhii nahiiN chaahtaa hai

2009/12/23 xclus!vely m3.... <enchantingethos@gmail.com>

ok ab se meri sari poetry collection isi section k under ho ge 

i guess phr kisi ko prb nahi ho ge k useless mails ziada ho gai hain

Tera mera saath

Jin raahon pe ik umer tera mera saath raha hai kuch roz se woh rastay sunsaan bahot hain ik tark-e-wafa! main kese bhula doon us shakhs ke mujh pe ehsaan bahot hain bhar ayen na ankhain to ik baat kahoon? ab tujh se bicharnay ke imkaan bahot hain maloom nahi un ko ilaaj-e-gham warna is sheher main to luqmaan bahot hain

On Wed, Dec 23, 2009 at 1:15 AM, xclus!vely m3.... <enchantingethos@gmail.com> wrote:

Us simt ko chaltay ho to itna usay kehna ab koi nahi harf-e-tammana usay kehna tum ne he kaha tha to yaqeen mujh ko hua tha chahat nahi hoti kabhi ruswa usay kehna dunia to kissi haal main jeenay nahi deti umeed pe qayam hai ye dunia usay kehna zarkhez zameenain kabhi banjar nahi hotin dariya he badal letay hain rasta usay kehna kuch log safar ke liye mozoon nahi hotay kuch rastay kat `tay nahi tanha usay kehna

--
Jo Shakhs apni KISMAT pe khush hai.....
derhaqeeqat wohi insaan
khush kismat hai......
Kio k wo ALLAH ki RAZA per RAZI hai.....

--
VISIT "MUQADAS FUND WEBSITE"
http://muqadas-fund.sajidsaif.com/
 
 
For more options, visit this group at
http://groups.google.com.pk/group/new-virtual-university-pakistan?hl=en

--
VISIT "MUQADAS FUND WEBSITE"
http://muqadas-fund.sajidsaif.com/
 
 
For more options, visit this group at
http://groups.google.com.pk/group/new-virtual-university-pakistan?hl=en